 |
| Luis Nani |
MADRID,
Hispania
Mwanzo
ilionekana kama utani. Lakini sasa imebainika kuwa kweli Real Madrid wamepania
kutekeleza mkakati wao wa kurundika nyota kikosini kwa sera ileile ya ileile ya
‘Ki-galactico’ baada ya kujulikana mchana huu kwamba wako tayari kutuma ofa
nono ya kumtwaa winga Luis Nani wa klabu ya Manchester United.
Hata hivyo,
vyanzo kutoka Urusi vimesema kuwa Real Madrid ya kocha Jose Mourinho bado iko
katika mapambano makali ya kumtwaa winga huyo wa kimataifa wa Ureno kwavile
matajiri wa klabu ya Anzhi pia wamepania Nani, ambaye bado hajakubali kusaini ofa
ya mkataba mpya alioongezewa na Man U licha ya kuwahi kufanya nao mazungumzo ya
kina mwanzoni mwa mwaka huu.
Taarifa za
mchana huu zinadai kwamba sasa Real wako tayari kutuma ofa ya awali ya paundi
za England milioni 19 ili kuiulainisha Man U na kumtwaa Nani ambaye ushirikiano
wake na Cristiano Ronaldo unatarajiwa kuongeza makali ya mabingwa hao wa La
Liga, Ligi Kuu ya Hispania, kama walivyoonyesha wakati wa fainali za Euro 2012
ambapo waliifikisha nusu fainali timu yao ya taifa ya Ureno na kukosa fainali ‘kiduchu’
baada ya kutolewa kwa matuta na waliokuja kuwa mabingwa, timu ya taifa ya
Hispania.
Mbali na kuwa
tayari kwa kumwaga ‘mkwanja’, imeelezwa kuwa faida ya ziada waliyo nayo Real
Madrid katika vita ya kumuwania Nani ni ukweli kwamba wakala anayemsimamia
kocha wao Jose Mourinho na wachezaji wao nyota kama Ronaldo, Pepe, Fabio
Coentrao na Marcelo, ndiye huyohuyo pia anayemuwakilisha Luis Nani!
No comments:
Post a Comment